कमल साह, जनकपुरधाम
जनकपुरधाम, माघ ६ गते । महिला वालवालिका तथा जेष्ठ नागरिक पूर्व मंत्री एवं एमाले पार्टीक महिला नेतृ जुली महतो ले जसम्म सबै अपांगका अनुहार हाँसिलो हुँदैन तबसम्म देश सुखि नहुने बताउनु भयो ।
उहाँले नेपाल अपांग संघ खगेन्द्र नवजीवन केन्द्र जनकपुर शाखा द्वारा आयोजित अति अशक्त अपांगता भएको व्यक्तिहरुको लागि संचालनमा आएको आवासीय पुनस्र्थापना तथा कम्बल वितरण कार्यक्रमको प्रमुख आतिथ्यगर्दै बताउनु भयो ।
पूर्व मंत्री महतोले नेपाल अपांग केन्द्रिय कार्यालयमा पहिल्येदेखि पुनस्र्थापना कार्यक्रम संचालन हुँदै आएको सुनेर नै हामी जनकपुरमा संचालन गराउन तत्पर भएको बताउँदै सो कार्यलाई प्राथमिकतामा राख्नको लागि आफैं समय लिएर जनकपुर शाखाको भ्रमण गरेको स्मरण गराउनु भयो ।
आजबाट संंचालनमा आएको अति अपांगतालाई पुनस्र्थापना कार्यक्रमबाट कूल १४ जना अपांगहरुले लाभ उठाउने भएका छन ।
नेपाल अपांग संघ केन्द्रिय कार्यालयको संस्थापक खगेन्द्र बहादुर बस्नेतको ९४ जन्म जयन्तिको अवसर पारेर धनुषा शाखाले पुनस्र्थापना तथा कम्बल वितरण कार्यक्रम संचालनमा ल्याएको छ ।
नेपाल अपांग धनुषा शाखाका अध्यक्ष नन्दकिशोर महासेठ ले सो कार्यक्रमको अध्यक्षतागर्दै जनकपुर शाखामा संचालित अतिअसक्त अपांगता पुनस्र्थापना कार्यक्रमबाट धनुषा तथा महोत्तरीलगायतका जिल्लामा रहेका अशसक्त अपांगहरुले लाभ उठाउन सफल होस् बताउनु भयो ।
कार्यक्रममा नेपाल अपांग संघ खगेन्द्र नवजीवन केन्द्रका अध्यक्ष मोहन महर्जन ले नेपालमा संचालित अपांग संघ अन्तर्गतका शाखाहरु मध्ये ४ वटामा आवासीय पुनस्र्थापना कार्यक्रम संचालन भईरहेको बताउँदै उहाँले जनकपुर शाखामा आजबाट संचालनमा आएको शाखा ५ भएको भन्नुभयो ।
उहाँले पूर्व मंत्री महतोलाई धन्यवाद समेत दिनुभयो।
नेपाल अपांग संघ जनकपुर शाखामा आयोजित कार्यक्रममा नेपाल अपांग संघ केन्द्रिय कार्यालयका महासचिव तथा जनकपुर शाखाका पूर्व अध्यक्ष शिवचन्द्र साह ले पूर्व मंत्री महतो को सक्रियतामा यो क्रायक्रम संचालनमा आएको भन्दै उहाँले मुरीमुरी धन्यवाद व्यक्त गर्नुभयो ।
अपांग संघ जनकपुर शाखाका सचिव बलराम सुवेदी ले उद्घोषण गर्नुभएको समारोहमा ३१ जना अपांगलाई कम्बल वितरण गरिएको छ । सो कम्बल विभिन्न दात्रृ निकायबाट उपलब्ध गराईएको छ ।